Ka Executive Committee ka Khasi Hills Autonomous District Council (KHADC) da rai ko wa ki MDC toh wow pynbiang lut ki ya ki Utilization Certificate namo ki Cash Memo lada e yarap ki da ka Discretionary Grant cha kiwon kiwon ki bru wa emkaam hapoh Constituency.
U CEM ka KHADC, u Titosstarwell Chyne da ong u wa ini i emkaam ya ki UC wot ya i yarap poisa na ka Discretionary Grant toh wow pynbiang ya ki yukheiñ wow phah won cha ka yung krehkaam u Comptroller and Auditor General (CAG).
Hawa kylli, u CEM da ong u wa i pynbiang ya ki UC chong i ha i stat yong ki MDC deiwa pynrap wa ye ki wow chim ya i soi pyrtuid wa ki EPIC yong ki bru wa da yoh yarap.
Chooh chooh da ong u wa ki MDC kiwa kwah wow yoh Discretionary Grant toh wow pynlut chwa ki na kata yong ki wei wow phah ya ki UC wow pynsakhiat kam ki Cash Memo wow yoh won ya kini ki Grant.
