Ka Hynniewtrep Youth’s Council (HYC) da dawa ko na ka sorkar wow pynbait ya ka Para 2 (f) yong ka Office Memorandum kawa da mih ha u Naisan uni u snem, kawa kdaw ya ki bynta yong ka aiñ bhah kreh (Reservation Policy) kawa nadooh u snem 1972.
Ka HYC da booh ko ya ini i dawa hakhmat u Symbood Montri Rangbah ka jylla, u Prestone Tynsong uwa da kular wow chimkhia neibynta wow pynbait wei wow syllok leh wa u Montri Rangbah ka jylla.
U President ka HYC, u Robertjune Kharjaharin da ong u wa katkam ka bynta wa da mih ha u snem 1973, ki kreh wym chah kyrriah na kawi ka District cha kawi tawon namo kiwa jooh thung kreh ki DSC wa ki chnat ha ki District, iwa pynyoo wa kiwa chong wa sah ha Garo Hills u yoh kreh bait 80% da ki tre ki District, wei kamjooh ha Khasi-Jaiñtia Hills 80% u yoh da ki tre District, tangwa iwa mih katni wa cha Garo Hills em du ki Garo, katwa ha Khasi Jaiñtia da ki lak ngut ki Garo kiwa chong chnong, iwa mut wa hap phiah kreh ya kamwa mar 40%.
Da ong u wa i dawa na ka sorkar wow pynbait ya ka Office Memorandum toh neidaw wa ki Garo wa chong wa sah ha Khasi Hills em ki da ki lak, wei ini daw wanrah i yei wym sñiawsuk hajrong wa em ka Reservation Policy kawa noh chiliang chwa.
