Ka seiñ kawa tip kam ka Hynñiewtrep National Youth Front (HNFY) Southern Riwar Circle da dawa ko wow pynchna noh ya u sarok nadooh na Lad Nongtalang chadooh Lad Tamabil neibhah uni u sarok da man u uwa da sih palat iwa da booh hei eh ya ki paidbah yong ka thaaiñ.
Ka seiñ da ong ko wa uni u sarok da man u u budloom ka thaaiñ War Jaiñtia wa pynyabi wa ka ri Bangladesh wei man ko leh ka yaw khayi wa heh hapoh ka thaaiñ tangwa da ini i sih da wanrah leh yei eh ya kiwa kjut wa chitom.
Heiyatoh wa ini, ka seiñ da yachem ko leh wa u EE wa SDO ka PWD Central Division ha Jowai wei waroh arngut da kular ki wow chimkhia hajrong ini i bynta wei da kular ki leh wow phah ya u Contractor yow pynchna ya uni u sarok.
Da pyntip leh cha ka seiñ wa ya uni u sarok da mynjur poisa da ka sorkar pyrdi wow chna thymme wei daw sdang yeini manda poi ki por tlang.
