Hadien wa em ki bru wa chna yei Video wa da kam hi-eh khlem sabut wa uwi u khynnah da sai u ya ka poisa wa em ha u FASTag lyngba ka Smartwatch wei yeini Video leh da chna chynnam du wow pynbiej bru yow boon kiwa pait wa kiwa pynpoor (Views & Shares).
Ha ini i Video da pynyoo wa em u khynnah wa wan niam ya ka yit kari wei da pynlai u ya ka Smart Watch u najrong u FASTag wei manda kylli kiwa chong hapoh kari chaphang ka Smartwatch, uni u khynnah da yut u. Kiwa tip u pait bniah ye ki wow sñiawthooh wa ini toh iwa ya ak donhi wei iwa da pynkhreh chwa tangwa boon ki bru da ngait ki ya ini.
Hadien wa da boon wa pynpoor ya ini i Video, neiliang ka NPCI (National Payments Corporation of India) da pynche ko ym ye wow sai ya ka poisa napoh ka FASTag deiwa pynemkaam da ka Smartwatch neibhah u FASTag toh uwa krehkaam deiwa krehkaam lang ki soo jait wa kynthup ya ka NPCI, ka Bank wa chim ya ka poisa, ka Bank wa thap poisa deilang wa ki Toll Plaza heijooh i por.
U FASTag toh uwa krehkaam hapyrdi uwa pynemkaam ya oo wa ki thaw su wei ym ye wow phah poisa na uwi u bru cha uwi u bru.
U FASTag da chna ya oo wow krehkaam u du ha ki Toll Plaza wei da pynsakhiat yeiwa pynemkaam kamjooh i sai ya ka poisa da ka NPCI deilang wa ki Bank wei du ki Bank wa da tipmit da ka NPCI kiwa ye u thap poisa wei wow sai ya ka poisa.
Chwa wow sai ya ka poisa leh da em i pyntikna da ki Bank wa e ya ka poisa wa kawa sai ya ka poisa wei kawi pa kawi ka Toll Plaza da em ko u yong ka hi u Code namo i rukom tipmit ya ka yow ye ko wow yoh bor u sai ya ka poisa wei da pynsakhiat ya ini waroh da ka NPCI hawa kut.
Kamtæ da ong wa ym ye hi-eh u sai ya ka poisa ha kiwi ki thaw deiwa leh da kammon kammon lait noh ha ki Toll Plaza kiwa da em lut ya waroh iwa emkaam.
Ka NPCI da pyntip ko leh wa da phah ko wow pyndam ya kini ki jait Video na ki rynsan Social Media.
