Man ka khubor sñiawsih wa khroo ya ka seiñ Jaiñtia Youth Federation wow tip wa u Ma Jingky Gassah da khlaad u na sla pyrthai. Neiliang ka seiñ phah ko ya ka khubor sñiawlem cha kiwa ha yung ha sem kiwa em yatoh wa u Ma Jingky Gassah wow pyntip wa ka seiñ em ko ryngkat wa phi ha kam ini i por wa maad phi yei sñiawsih.
Ki kaam u Ma Jingky Gassah yieñ ki kam ki sakhi hapyrdi yong i hadooh katni hajrong ka sap wa i mynsien wa dap da i maya ya ka ri wa ka jaitbru wa da ye wow seiñ ya ka Jaiñtia Youth Federation wei da man u kam u Secretary wa nyngkong dooh ka seiñ.
Da ekti lut u neibynta ka JYF deiwa sdang ya ki Unit, ki Circle ha kylleiñ ka Ri Loom Jaiñtia wei da pynkup bor u ya kiwi ki dkhot wow kreh mon sñiawbha neibynta i bha i miat, i im i yap ki paaid wa chong chnong ka ri yong i.
Kamwa em u i mynsien wow kreh ya ka ri, i naam i burom yong oo leh u neh i yanom ha i.
Ka kyrwoh na u S. Pajuh, General Secretary Jaiñtia Youth Federation.
