Jop ka Loomiongkjam SC iaka Loompariat Sc soo la kawi.

Jowai: Ynne ka sngi ha ka kynjet bol iong ka 1^st division ka Loomionkjam SC da ye ko u pynrem ia ka Loompariat 4-1. U Dasa Challam da ioh u u pynkhih ia ka jar haka minit kawa 18, u Jenda Suiam haka minit kawa 26, u Samanki War haka minit kawa 57, u Haoo Passah haka minit kawa 62. Katwa na ka liang ka Loompariat da ioh u pynkhih ia ka jar da u Bichar Lipon haka minit kawa 36.

Haka ialehke kawa ar won iong ka 1^st division hi ka Panaliar SC da jop ko ia ka Mookyrdup kamwa san la kawi. U Dari Thma da ioh u u pynkhih ia ka jar ha ka minit kawa 8, ka 28 waka 80+1, u Chamewan Lakiang ha ka minit kawa 62 waka 67. Na ka ling ka Mookyrdup won u Kima Das da ioh u thap chi kol haka minit kawa 73.

Hei iatoh wa kini ki ar tylli ki ialehke da man ki pynar kiwa jem chilliang, hanlada katte hi leh ka iakhun da man ko kawa ioosuk hi u peit ia ki wa wan peitke, weiwa da e bor e mynsien ki ia ki nong ialehke.