Ka District Social Welfare Officer, East Jaiñtia Hills District ha ka 25 tarik uni u bnai kam chibynta i lehwarom ya ka International Day Against Drug Abuse and Illicit Trafficking hapoh i yahkhmat hei yahkhmat ka DSWO, ka R. Passah da pynman ko ya ka Street Play namo i lehke drama ha Khliehriat wa ha Lad Rymbai heiyatoh i eh i khoo wa mih na i pynemkaam bakla ya ki mar wa pynmuaid namo ki drugs.
Ha kini ka Street Play da chimbynta da ki dkhot yong ka All Jaiñtia User Network (AJUNET) wei chwa u sdang kani ka drama da em chwa i saam ya ki kot lakdop kiwa thoh che heiyatoh i maa wa mih nei pynemkaam ya ki mar pynmuaid wei kammon u yait na ki.
Kani ka Street Play toh chaphang kammon ki khynnah ngop ki ha ki mar pynmuaid na ki daw wymtip ki. Hadien won dei yarap kiwa hayung hasem da phah sumaar ya ki cha ki Rehabilitation Center wei da ye ki u lait na ini i kjut wa kyrni wow pynemkaam ya ki mar wa pynmuaid.
Ha kani ka sngi da yakrehlang wa ka Police Department ka East Jaiñtia Hills, ka MCSWA TII CC Khliehriat wa ka Adolescence Counselor Health Clinic napoh ka yung krehkaam u DMHO ka District.
