Ka Jaiñtia Youth Federation-Amjalong Unit hapoh i yahkhmat u President yong ka,u Jesparland Lynthong da booh dorkhat ko ha ka yung krehkaam u Block Development Officer, Amlarem C&RD Block wow pynsñiaw ya i eh i khoo wa ki paidbah wa chong chnong chem ki ha kylleiñ ka thaaiñ Ri War East neidaw wa da sih ki sarok wa ki luti syngkieñ neidaw wa dat u slap ha ki tayaw wa dadep.
Ha kiwa boon ki thaw ki sarok ym man ki kiwa chngaaiñ wow lai ki kari khlem chna pynmiat de ya ki iwa da ktah joor ya ki bru kiwa emkaam wow lai lyngba kini ki sarok khamtam kiwa lai thooh dawai kamjooh kiwa rep kiwa hap wow pynpoi ya ki mar cha ki yaw ki haat.
Heiyatoh wa ini neiliang ka seiñ da kyntu joor ko ya ki sahep wow wan pait ya ki sarok khnang wow ye ki u leh yeiwa emkaam.
Kani toh katkam ka Wyrta na u Rapmeki Pohti uwa man u Art & Agriculture Secretary ka seiñ.
