Mynstep u pynman ya ki Semi Final ka Subroto Cup ka East Jaiñtia Hills

Ka Subroto Cup 2022 ka East Jaiñtia Hills kawa da pynman da ka yung krehkaam ka DSO da pyndep ya ki yalehke Quarter Final ynne ka sngi ha waroh ki kyrdan wa kynthup ya ka Under-14 Boys, Under-17 Boys wa Under-17 Girls heiwa ya ka U-14 Boys wa U-17 Girls da pynman ha Dkhiah West katwa ka U-17  Boys da pynman ha Wapung Skur.

Ha ka Under-14 Boys

Ka Musniang Secondary School da jop ko ya ka Chiehruphi Secondary School da ka 5-4 lyngba ka yachut Tie-Breaker.

Ka Cham Cham da jop ko ya ka Khliehriat Higher Secondary School da 3-2.

Related posts

District Cricket League: Jop ka Young Lad’s ya ka Phramer

May 13, 2025

Deilang ki yakob rwai wei chaad ha ka yakhun Final ka 1st War Jaiñtia Invitational Football Tournament

May 11, 2025

Ka Byndihati da jop ko ya ka Lotus Secondary School da 3-1.

Ka Le Shnong Secondary School da jop ko ya ka Khula Malang da 4-0.

Ha ka Under-17 Boys

Ka Byndihati Secondary School da jop ko ya ka Ieng Swer da 1-0.

Ka Cham Cham da jop ko ya ka Rymbai Presbyterian da 4-3 lyngba ka yachut Tie-Breaker hadien wa kut ka yaleh mar chi kool.

Ka Wapung Secondary School da jop ko ya ka Musniang Secondary School da 4-3 lyngba ka yachut Tie-Breaker hadien wa kani leh ka yalehke da kut ko da mar chi kool.

Ka Khliehriat Presbyterian da jop ko ya ka Sein Jait Tuber da 5-4 deiwa yachut Tie-Breaker hadien wa ka yalehke da kut ko da 0-0 hadooh wa kut i por.

Ha ka Under-17 Girls

Ka Khliehriat Higher Secondary School da jop ko ya ka Cham Cham da 3-2 deiwa yachut Tie-Breaker hadien wa kut ka yalehke khlem em wa thap kool.

Ka Dkhiah East da jop ko ya ka Khulu Malang da 2-0.

Ka Sein Jait Tuber da jop ko ya ka Rymbai Govt. Secondary School da 1-0.

Ka Musniang Secondary School da jop ko ya Lotus Secondary School da 4-2 deiwa yachut Tie-Breaker.

Kamtæ ki yalehke Semi Final u pynman mynstep ka 28 tarik ha ki jooh ki ar tylli ki thaw kamwa da pynman ynne ka sngi kiwa man kamni ha wah:

Ha ka Under-17 Girls: Ka Dkhiah East daw yachem ko waka Sein Jait Tuber katwa ka Musniang Secondary School daw yachem ko Khliehriat Higher Secondary School.

Ha ka Under-14 Boys: Ka Musniang Secondary School daw yachem ko waka Le Shnong, katwa ka Cham Cham daw yachem ko waka Byndihati.

Ha ka Under-17 Boys: Ka Byndihati Secondary School daw yachem ko waka Wapung SS, katwa ka Khliehriat Presbyterian daw yachem ko waka Cham Cham.