Ka 2nd Division Football Tournament-2022 kawa tip leh kam ka 5th Debo Shullai Memorial Trophy wa pynman da ka West Jaiñtia Hills District Sports Association (WJDSA), da sdang ya ka ynne ka sngi heiwa da em 16 tylli ki liang kiwa da wan chimbynta na kylleiñ ka District.
Ya ki liang wa chimbynta da yabhah kamni:
POOL A
(1) West Madan Mustem
(2) Caroline Colony
(3) Pynthorlangtein
(4) Lion Sports & Youth Affairs
POOL B
(1) Lumpariat
(2) Khliehiongriang
(3) Dongmihsngi
(4) N.S.A
POOL C
(1) Mynsngad
(2) Khliehmynkrem
(3) Phramer
(4) Mookyndur
POOL D
(1) Mooknor Thadmuthlong
(2) Panaliar
(3) Lumpyrtuh Mihmyntdu
(4) lawmulong Nartiang
Ka yalehke da sdang ynne ka sngi hapyrdi ka West Madan Mustem waka Caroline Colony heiwa ka yalehke da kut ko da 1-1.
Ya ka West Madan Mustem da thap kool da u Develence Shylla ha ka minit wa 28 katwa ya ka Caroline Colony da thap da u Famous Paslein haka minit wa 65.
Mynstep ka yalehke u man ko hapyrdi ka Lumpariat waka Khliehiongriang heipor 3:00 waje i sngi.
