Ka Khliehrymphum Ladthadlaboh, Jowai hadien wa mih khubor yei thmu wow pynlang jhep ka Jowai Municipal Board (JMB) ha Rymphum, da pynsñiaw ko yei pyrchah joor neibhah wa daw ktah yei chait i khiah u bru wa ka soodong sookun ka thaw.
Ka Khliehrymphum, Ladthadlaboh ha ka kyrwoh wa da phah da ong wa kam ka dong ka pyrchah joor ko ya ini i thmu yong ka Jowai Municipal Board wow chna ya kani ka thaw pynlang jhep neibhah kani ka thaw em ko leh ha rood ka wah Rymphum kawa tooid cha ka Myntwa Myntdu.
Da ong leh wa lada chna ya katai ka thaw pynlang jhep daw ktah ko leh ya ki tyllong umbaam umdih kiwa em hajan wa ki manyung yong ki bru. We ini i leh ka JMB toh khlem da yasyllok wa ki paaid wa chong chnong ka Khliehrymphum.
Da kdaw leh wa ini i thaw toh iwa dang haap hapoh u pood u ang ka Khliehrymphum Ladthalaboh kawa dang pait da ka Ladthadlaboh Dorbar Chnong.
Kamtæ da dawa wow sangeh chisyndon yei chna ya kani ka thaw pynlang jhep wei lym kamtæ kiwa chong chnong daw chim ki da kawi won ka rai.
Puræ leh: Pyrchah ka Mookyrdup yei chna thaw pynlang jhep ka JMB hapoh u pood ka chnong