Maham yakhih kiwa sikai skur lada ymbiang i kaam yong ki hapoh 15 tarik

Jowai : Ki wa sikai wa dang dep yoh ya ka Result ka D.El.Ed da pyntip ki wa lada ka sorkar ym tipmit ko ya ki kam ki ‘Trained Teachers’ lada ym ye ka NIOS u pynbait ya ka result hapoh ka 15 tarik uni u bnai, daw pynman ki da ka lai paidbah.

Da dawa leh wow pyndooh noh ya ka National Institute of Open Schooling napoh jylla Meghalaya neidaw wa wanrah ko du yei kulmaar donhi bar yei yoh myntoi.

Also Read: Pynmih result tangdep ya NIOS ya ka course D.El.Ed

Ya ini i rai da chim ha ka yalang wa pynman da ki D.El.Ed trainees wa ki dkhot ka Meghalaya SSA Schools Association (MSSASA) Central Body ha Khasi Durbal Hall, Shillong ynnin ka 8 tarik.

U General Secretary ka MSSASA-Central Body u H.M. Marbaniang da ong u wa lada ym ye u pynbait ya ka result hapoh ka 15 tarik uni u bnai daw lai paidbah ka seiñ kamjooh wa ki D.El.Ed trainees yow yachem wa ka Education Minister Deborah C. Marak ha ka 17 tarik.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Niwel Dkhar Convener ki D. El. Ed trainees, ong u wa kani ka result toh ka mynried yong ki wa sikai wa kamjooh yong ki khynnah wei lada ym ye de u pynbait ya kani ka result toh u pynbna bait wa waroh ki 4000 ngut ki trainees toh kiwa da pass wei u tipmit ya ki kam ki Trained Teachers.

Da pyntip leh wa ha kani ka 6 tarik da dep yachem ki wa u Director ka DERT kiwa da kular wow yaklam wa ki wa ha khlieh ka NIOS wa em ha Guwahati yow pynbna ya ki result thymme hapoh u ni u bnai.

Katwa ym ye ki u e da i thoh hei yatoh wa ini kiwa sikai ym chaniah ki yeiwa kular kini ki heh.