Ka Khasi Student’s Union-Lad Rymbai Unit ha ka 28 tarik uni u bnai da lai yachem ko ya u Executive Engineer ka MeECL Distribution Division, Khliehriat neibynta wow pynyoh Transformer yaka chnong Lad Rymbai-B.
Ha ka chithi wa da e da ka seiñ ha utai u sahep ka MeECL, ka seiñ da kyrpaad ko ya oo wow sñiawbha u pynyoh Transformer noh wut-wut hapoh ka chnong Lad Rymbai-B neidaw wa utai u Transformer wa katni da sih u nadooh ka 6 tarik uni u bnai.
Ka seiñ da ong ko leh wa i dooh noh ya utai u Transformer warim da pynjinjar yaki paidbah wa chong chnong neibhah ki paidbah da hap ki wow chong hei doom khamtam ki khynnah skur kiwa dang em hapyrdi ka yakhun Exam.
Neiliang u EE ka MeECL da kular u wow chimkhia ya ini i kaam neibynta wow pynsuk ya ki paidbah wa chong chnong.
