Ka 2nd Division Football Tournament 2022 kawa tip leh kam ka 5th Debo Shullai Memorial Trophy wa pynman da ka West Jaiñtia Hills District Sports Association (WJDSA), da poi ko cha ka sngi wa san ynne ka sngi.
Ka yalehke wa da pynman toh hapyrdi ka Lion Sports & Youth Affairs waka Pynthorlangtein kawa da jop da ka Lion Sports & Youth Affairs da 2-1.
Waroh ki kool toh kiwa thap ha ka kylla miet wa thap nyngkong da ka Lion ha ka minit wa 53 da u Tremiki Lamare wei da su kylliang ka Pynthor ha ka minit wa 65 lyngba u Wanbiang Bang tangwa da pyntam biang da ka Lion ha ka minit wa 78 lyngba u Shanborlang Kharsahnoh.
Ka yalehke daw pteiñ biang mynstep ka 2 tarik hapyrdi ka Dongmihsngi waka NSA heipor 3:00 waje noh chariñ ka sngi.
