U Montri Rangbah ka jylla, u Conrad K Sangma da ong u wa emkaam wow sñiawthooh wa kiwa sikai Adhoc toh kiwa kreh ha ki skur ki bru samen, deiwa e nongmuna lada ya ki Hospital ki bru samen wa ki Doctor kiwa em ha katai ka Hospital e yarap naka sorkar da ka Lumpsum Grant tangwa kani ka Hospital won chim ko ya ka bai sumaar kawa da neh wa kiwa pynlai ya ka Hospital ka wym poi cha ka sorkar.
Da ong u wa skur Adhoc leh man ki kamni wei ka sorkar da e ko ya ka poisa yarap kawa da lai bait cha ka Managing Committee wei ha kitai ki skur leh ki Managing Committee da chim ki ya ka bai skur, wei ya kani ka bai skur ka sorkar ym tip ko iyi iyi hadooh katwon da yoh ki tangwa ka sorkar da e yarap bait ko neibhah sñiaw ko wa ka puræ puthi toh kawa emkaam wei neipor cheipor da jooh pynku ya kani ka Grant.
U Conrad da klam che u wa ki Managing Committee kiwa pynlai ya ki skur ym toh ka sorkar deiwa ban biang wa kini ki skur yong ki bru samen toh kiwa yarap dohni ka sorkar.
Da ong chooh chooh u wa lada ka sorkar sdang ko wow e yarap ya ki Hospital ki bru samen, ki Doctor daw ong ki pynku ya ka tulop wei daw poi cha ini. Da pynrap chooh chooh wa ki skur ki bru samen ym toh i kitkhlieh yong ka sorkar tangwa ka sorkar ka kyrchaan ko ya ki neibhah wa sñiaw ko wa ka puræ puthi toh kawa emkaam.
