Ka sorkar India lyngba ka Central Consumer Protection Authority (CCPA) ka Ministry of Consumer Affairs, Food & Public Distribution da pynbna ko ya ki kyndon yow lait u chah chim kabu ki paidbah deiwa kheiñ ya ka Service Charge ha ki Hotel wa ki Restaurant.
Ka CCPA da ong ko wa ki Hotel kamjooh ki Restaurant ym toh u kheiñ ki ya ka Service Charge ha ka bai baam namo ka Food Bill wei ya kani ka Service Charge ym ye wow pynkylla pyrtuid ka deiwi kheiñ yei jooh hi lane deiwa kheiñ ka kam chibynta ka GST.
Wei lada kwah ki wow kheiñ ya ka Service Charge toh u khana ki cha ki paidbah wei chong hei mon yong ki wow su.
Lada em kiwa chem wa em ki Hotel lane ki Restaurant dang kheiñ ki ya ka Service Charge ye ki wow ujor ha u National Consumer Helpline deiwa Phone ha u Number 1915 lane naka NCH Mobile App lane deiwa lai ha ka Website www.e-daakhil.nic.in lane deiwa email ha [email protected].
