Ka EJNC-Khliehriat Unit ynne ka sngi da lai yachem ko wa u DC ka East Jaiñtia Hills yow yaklam wei wow dawa wow booh paikhana paidbah namo ki Public Toilet ha Khliehriat.
Ka seiñ da ong ko wa boon kiwa wan cha Khliehriat da chem chitom ki wow yoh paikhana wei da klam leh yei duna ka roi ka paar hapoh ka chnong Khliehriat kawa da man kam ka khlieh District da palat chiphaw snem.
Kamtæ hajrong ka paikhana paidbah u DC da ong wa daw yaklam wa kiwa pait ya ka Swachh Bharat Mission wei wow pait leh ya ka EPC (Engineering, Procurement and Construction) Contract yow tip hadooh katwon tylli ki paikhana wa ye u chna lyngba kani ka Contract.
U DC da kular u leh ya ka seiñ wow thoh cha ka NHAI kam chibynta wow booddien ya kani ka Contract wei wow khut pynman yalang wa kiwa pait ya ka Swachh Bharat Mission wei daw khut lang leh ya ka EJNC.
