Ka MePDCL chirup wa ki bor District da pynman ki yei pynsñiawthooh kamjooh leh i pynyoo yei rukom krehkaam ki Smart Meter ya ki sahep ki chnat sorkar, lyngba i krehlang chirup ka sorkar India wa ka sorkar jylla ha DRDA Hall, Shillong ha ka 6 tarik uni u bnai.
Ha kani ka pynsñiawthooh ki sahep ka MePDCL da pyntip ki wa i pyndait ya ki Smart Meter ha ki District ka Ri-loom Garo da sdang i, wei daw leh kamjooh ha West Garo Hills deiwa booh thong wow dep u pyndait hapoh u Kmaichonglad (Dec) uni u snem.
Da pyntip wa daw em 40,000 tylli ki Smart Meter kiwa daw pyndait dei mynkna ha ka West Garo Hills District ha ka bynta wa nyngkong (Phase-I) wei ym kheiñdor ya ki Smart Meter hadooh san snem.
Katkam i ong ki heh ka SGIL, ki Smart Meter u em ki wa ki GPRS, wei ye wow su ya ka bai bordiñ Online lyngba ka Mobile App.
Da pyntip leh wa da em hadooh 44,000 tylli ki Smart Meter wa da pyndait hapoh ka jylla.
