Ynnin i janmiet da pynman ya ka yakob pynyoo dohksah kawa tip kam ka 46th Mr. Meghalaya Body Building Championship kawa da pynman da ka Meghalaya Body Builders’ Association (MBBA) ha Shillong.
Ka MBBA toh kawa da tipmit da ka Indian Body Building Federation (IBBF).
Ha kani ka lympung da em ar ngut na West Jaiñtia Hills kiwa da yoh ya i naam jop ha jar jiar ki kyrdan heiwa u Samewan Paswet na Wahsynji, Panaliar Jowai da yoh u yei naam jop ha ka kyrdan 50-55 KG.
Uwi won u pulit Unarmed Branch Constable wa kreh ha ka West Jaiñtia Hills District, u Wilynder Konglam da rah u yei naam jop ha ka kyrdan 60-65 KG weiwa da rah u leh yei naam 46th Mr. Meghalaya.
Kini ki ar ngut daw mihkhmat ki ya ka jylla ha ka lympung wow man ha sorbah Kolkata ha u Khonchonglad (November) 2022.
