Ka Jaintia Hills Truck Owner Association (JHTOA) da pynpep noh ya ka General Election yong ka kawa da toh u pynman ynne ka sngi na ki daw wym ye u kiar.
Ha ka yalang wa da pynman ynne ka sngi da thung leh da ka “Election Committee” ka wow pynlai ya kani ka Election jied President yong ka JHTOA.
Ka Election Committee kynthup ko ya u Chairman, u Enrico D Pasi, President-The Association of Meghalaya Traders and Transporters (TAMTT), u Harpidiyou Suiam, Secretary wa ynru ngut ki dkhot wa kynthuplang ya u Jersom Shylla, President JSU wa ya u Pynbiang Rymbai, President HITO.
Kani ka Committee da chim ko leh ya ka rai wow kyrriah tarik noh ya ka General Election ka JHTOA cha ka 18-07-22.
Ki kyndon jied President:
Ki Member kiwa kwah wow yaleh Election President toh u pynpoi ki ya ka Application yong ki cha u Chairman/Secretary yong ka Election Committee deiwa sooh lang kini ha wah.
- Application wa da thoh ha ka kot sada
- RC ka kari (Truck)
- Passport Size Photo (2 tylli)
- EPIC
- Schedule Tribe Certificate
- Ka tarik wa khaddooh u kut noh ha ka 15-07-2022.
Ha ka 15-07-2022 daw bichaar (Scrutiny) ya ki Application ki kyrtong nadooh i por 2:00 waje i sngi.
Du ki Candidate kiwa biang ki kot ki sla wa ki kyndon yong ka JHTOA u ye ki wow yaleh Election President.
Ka sngi jied namo ka thap Vote toh ha ka 18-07-2022 (Monday).
I por thap Vote toh nadooh 10:00 AM hadooh 2:00 PM (Queue Can Proceed).
Daw niaw Vote hadien wa da dep thap ha kani hi ka sngi.
Uwi lane kawi u ye ki u thap du chi Vote donhi wot lada em ki boon tylli ki Truck (One Truck Owner One Vote).
Du kiwa rah da ka Hard Copy ka Original RC ka Truck wa EPIC u ye ki u thap Vote.
Du ki tre kari yong ki Truck 6 chaka,10 chaka,12 chaka, 14 chaka, 16 chaka kiwa da dep Register ha ka yung krehkaam ka JHTOA wa kiwa da yoh ya ka Electoral Roll Serial Number u ye ki u thap Vote.
I thaw thap Vote: Phramer Community Hall.
Manda dep thap Vote u hap jngai 100 Metre nei thaw thap, lait noh du ki Candidate wa ki Polling Agent yong ki.
Ka Election Committee daw e Certificate jop ko ya u kyrtong wa jop kam u President thymme ka JHTOA neibynta i por 3 snem ka samoi krehkaam yong oo.
