Ka Shillong Lajong FC deiwa em 10 ngut kiwa yalehke da jop ko da 2-1 ya ka Mawkhar SC ha ka yalehke wa 17 ka Shillong Premier League 2021-22 ha Third Ground, Polo Shillong ynne ka sngi.
Hachwa ini, kini ki arliang da em ki mar chi Point deiwa tam ka Lajong deiwa kheiñ ya ka Goal Difference (-5 da -6).
U Wadajied Ryngkhlem (28’) wa u Aman Ahlawat (34’) da thap kool ki ya ka Lajong katwa u Balajied Syiemlieh (90’+7) da thap u da ka Penalty hawa kut wot ka yalehke ya ka Mawkhar.
Da ini i jop, ka Lajong da lait chooh ko nei chah pynhiar kyrdan deiwa yoh 4 Point katjooh waka Malki SC tangwa da tam ki da ka Goal Difference (-4 da -5). Tangwa ka Malki daw yaleh ko sa chisien.
Ka yalehke mynstep toh hapyrdi ka Nangkiew Irat SC waka Rangdajied United FC heipor 4:00 waje i janmiet.
