U pynkrehkaam noh ya ka MGNREGA ha ki Census Town ka Meghalaya

Ka State Rural Employment Society (SRES) deilang waka yung krehkaam ka Deputy Commissioner, EKH ynne da pynman ki ya ka yalang neibynta ka jylla heiwa u Montri Rangbah da sdang u ya ka “MGNREGA in Census Towns of Meghalaya”.

Da ini daw yoh myntoi lang leh ya ka MGNREGA ha ki thaw wa tip kam ki Census Town ym du ki thaw wa em cha palatsor.

U Conrad Sangma hawa e yei klam da e khublei u ya ka sorkar India wa da pdiang ko yei tyrwa ka sorkar jylla wow pynkrehkaam ya ka MGNREGA ha ki Census Town kamjooh.

Ini daw pynmyntoi ko ya chi lak ngut kiwa chong chnong ha ki Census Town kiwa man ki chnong wa da boon bru tangwa ym pu tipmit ya ki kam ki chnong wa da man sor wei kiwa da em palat 5000 ngut ki bru wei kiwa boon kamwa 75% toh kiwa em hei kaam rep wei em ki kamwa 400 ngut chi Kilometer i boon bru.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Da e yaroh u leh yei kreh chitom ki VEC kamjooh ka imlang shalang ha kini ki soo snem wa da lai heiwa da ye u pynlut naka T. 600 klur cha ka T. 1600 klur chi snem.

Da khana u leh wa ka sorkar jylla da pynlut bor ko yow chna ya ki SHG neibynta ki kynthai wei da ye u pynku na 4000 tylli ha u 2017-18 cha 41,000 tylli ha uni u snem. Wei ka poisa kawa palat T. 380 klur da pynlai ha ki kti ki SHG iwa da pynkup bor ya ki kynthai ha ka kaam poisa poilaiñ.

U Conrad da khana wa hanla ya ka JJM ym ye u pynkrehkaam ha ki Census Town, tangwa da tyrwa leh yeini wei ka sorkar pyrdi daw mynjur ko yeini.

Neiliang u Hamletson Dohling, u Montri ka chnat C&RD da khana u yei kreh chitom ka SRES waka chnat C&RD yow kynthup lang ya ki Census Towns hapoh ka MGNREGA. Da yaroh u leh yei kreh chitom u Montri Rangbah deiwa kyntu leh ya waroh ki 29 tylli ki dong wa haap hapoh ka Mawlai, Sohra, Nongmensong wa Madanrting Census Town wow pynemkaam hok ya ini wa da yoh ki.

Ha kani ka sngi da emlang leh u Pyniaid Singh Syiem, MLA ka Mawryngkneng, u P.T. Sawkmie, MLA ka Mawlai, u Balajied Kupar Synrem, MLA ka Shella, u Gavin Miguel Mylliemngap, MLA ka Sohra, u Titostarwel Chyne, CEM ka KHADC, u Teiborlang Pathaw, MDC ka Mawlai, u Principal Secretary C&RD, u Mission Director, SRES, ka DC EKH wa ki sahep sorkar na Mylliem, Mawlai wa Shella Bholaganj C&RD Block.