Ka 2nd Division Football Tournament 2022 kawa tip leh kam ka 5th Debo Shullai Memorial Trophy wa pynman da ka West Jaiñtia Hills District Sports Association (WJDSA), da poi ko cha ka sngi wa 13 ynne ka sngi.
Ka yalehke wa da pynman toh hapyrdi ka Caroline Colony waka Lion Sports & Youth Affairs heiwa ka yalehke da kut ko da 1-1.
Ya ka Lion da thap da u Heipormi Dkhar heipor 4 minit katwa ya ka Caroline da thap da u Famous Lyngdoh ha ka minit wa 16.
Mynstep ka yalehke u pynman hapyrdi ka Khliehiongriang waka NSA heipor 3:00 waje i sngi.
