Ka yung krehkaam ka Krishi Vigyan Kendra (KVK), Jaiñtia Hills ha ka 16 tarik uni u bnai da lehwarom warom ko ya ka “94th ICAR Foundation Day” ha KVK Farm, Wahiajer, West Jaiñtia Hills.
Ha kani ka sngi u Narendra Singh Tomar, u montri ka sorkar pyrdi uwa pait ya ka chnat Agriculture & Farmers’ Welfare da pynsñiaw u hei yatoh wa ka 94th Foundation Day yong ka Indian Council of Agricultural Research (ICAR) na Krishi Bhawan, New Delhi wei da yaklam u wa kiwa rep yong ka ri.
Hawa e yei klam pdiang u Dr. D. Pasweth, Senior & Head, KVK Jaiñtia Hills da pdiang burom u ya u Asst. Waheh Chnong ka Wahiajer, u L. Shylla kamjooh leh ya kiwa rep wada wan emlang ha kani ka sngi.
Ha kani ka sngi kiwa rep hapoh West Jaiñtia Hills da pynsñiaw ki heiyatoh wa i jop yong ki hei kaam rep hadooh wada ye ki u kyrchaan ya ka yung ka sem kamjooh wa i emkaam ki khon ki kti.
Kiwi kiwi wa e i klam ha kani ka sngi kynthup ki ya ka Dr. Alethea Dympep (SMS, Agril. Extension), KVK Jaiñtia Hills kawa da klam hajrong ka phang Scope And Prospects Of Buckwheat, u M Kharbuli, Farm Manager, KVK Jaiñtia Hill da klam u hajrong ka phang Package And Practices Of Buckwheat, katwa hajrong ka phang Jal Shakti Abhiyaan da klam da ka D. Lyngdoh. Programme Asst. (Technical), KVK Jaiñtia Hills.
Ha kani ka sngi da saam symbe leh cha ki 60 ngut kiwa rep wa da emlang ha kani ka sngi najrong kiwa kreh ka KVK, Jaiñtia Hills.
