Ka Meghalaya Assembly Committee on Empowerment of Women (MACEW) da pyntip ko wa da chimkhia ko heiyatoh wa i ye wow pyllait ya ki 5 ngut ki khynnah, na iwi i thaw wa da chah pynbaad wa toh i thaw wa leh ya ki kaam pyrchah aiñ da u tre uwa man leh u MDC ka GHADC wa u Vice President ka BJP, u Bernard Marak.
Ka Chairperson yong ka Committee kawa man leh ka MLA ka East Shillong, ka Dr M Ampareen Lyngdoh da ong ko wa ka Committee ym kwah ko wow klam iwon iwon heiyatoh wa ka Politics hajrong iwa jia wa da poor ha ki khubor, tangwa i bynta yong ka Committee hi toh wow pait ya ki hok yong ki kynthai, kam ini iwa jia wa lai kynreh ki pulit da yoh wow pyllait leh ya 5 ngut ki khynnah chynrang wa kynthai.
Da ong ko wa hadien wa da yoo ya ini i kynreh ha iwi i thaw neiliang ka Committee kwah ko wow kwah ko wow tip lada em sakhiat kitæ ki 5 ngut ki khynnah wa da chah pynemkaam ha ki kaam dakait.
Ka Ampareen da ong ko wa ka Committee da phah hajir ko ya ka chnat Social Wewlfare ha ka 8 Naisaphra wow pynche hajrong iwa da jia, wei lada em sakhiat wa chem ya ki khynnah wei da pynemkaam bakla ya ki, iyi won wa toh u leh da ki chnat hajrong ini.
