Ka 2nd Division Football Tournament 2022 kawa tip leh kam ka 5th Debo Shullai Memorial Trophy wa pynman da ka West Jaiñtia Hills District Sports Association (WJDSA), da poi ko cha ka yalehke wa 24 ynne ka sngi.
Ka yalehke wa da pynman ynne ka sngi toh hapyrdi ka Iawmulong Nartiang waka Mooknor Thadmuthlong kawa da kut da 1-1.
Ka Iawmulong da yoh ko wow pynkhih jaar nyngkong ha ka minit wa 40+1 lyngba u Ebanskhem Nongtdeh tangwa ka Mooknor da su kylliang ko ha ka minit wa 64 lyngba u Rimiki Suchiang.
Ka yalehke mynstep toh heipor 2:30 i sngi hapyrdi ka Lion Sports & Youth Affairs waka Westmadan Mustem kawa man kam ka “Replay Match” neidaw wa da ryngkat Point katjooh le tylli ki Team hadien wa da kheiñ da waroh ki rukom.
