Kiwa yalehke ka India ha ka Commonwealth Games 2022 da yoh ki la 3 tylli ki takma ksiar heiwa kini waroh toh kiwa da yoh ha ka Weightlifting heiwa ynnin ka sngi wa le, u Achinta Sheuli (20 snem) da yoh takma ksiar u deiwa kynrong wei rah u waroh 313kg kawa man leh kam ka Games Record kawa da chna thymme u arsien ha ka kyrdan Snatch Round deiwa nyngkong da rah u 140kg wa 143kg. Dep ini da rah u leh 166kg wa 170kg ha ka Clean & Jerk Round deiwa kheiñlang da man ko ka Games Record wa thymme.
Hachwa ini, u Jeremy Lalrinnunga (19) snem uwa na Mizoram leh da yoh u ya ka takma ksiar ha ka Men’s 67kg deiwa yoh leh ya ka Commonwealth Games Record wa thymme deiwa rah waroh 300kg (140 kg ha ka Snatch wa 160kg ha ka Clean & Jerk).
Ka takma ksiar wa nyngkong ka India ha kani ka CWG da yoh da ka Mirabai Chanu kawa na Manipur ha ka kyrdan Women’s 49kg deiwa rah ko 201kg (88kg+113kg).
Hadooh wa kut ynnin ka sngi, ka India da yoh ko 3 tylli ki takma ksiar, 2 tylli ki takma rupa wa kawi ka takma tama.
