Da 14% ku ka dan GST wa yoh ka Meghalaya ha u Naiynñiaw 2022

Ka dan GST waroh wa da yoh u pynlang hapoh ka ri ha u Naiynñiaw 2022 toh T. 1,48,995 klur heiwa ka CGST toh T. 25,751 klur, ka SGST toh T. 32,807 klur, ka IGST toh T. 79,518 klur (wa kynthup ya ka T. 41,420 klur kawa da kheiñ ha ki mar wa da wanrah chapoh ka ri) wei ka Cess won T. 10,920 klur (wa kynthup T. 995 klur wa da kheiñ ha ki mar wa da wanrah na baar ri). Kani da man ko leh kawa ar hei boon dooh wa da yoh u lum ka dan GST nadooh wa sdang ya ka.

Ka sorkar da dep ko leh wow su T. 32,365 klur cha ka CGST wa T. 26,774 klur cha ka SGST naka IGST. Waroh ka poisa wa yoh ka sorkar pyrdi wa ki jylla ha u Naiynñiaw 2022 hadien wa da dep u su waroh toh T. 58,116 klur ka CGST wa T. 59,581 klur ka SGST.

Ka poisa wa da yoh neibynta u Naiynñiaw 2022 toh kawa heh da 28% ya iwa da yoh ka GST ha uni u jooh u bnai ynnin u snem heiwa da yoh T. 1,16,393 klur. Da ku leh da 48% ha u jooh u bnai ka dan wa yoh na ki kaam khayi pateiñ hapoh ka ri iwa mut wa da ku da 22% hawa nujor ha u jooh u bnai u snem wa da dep.

Kattu la 5 bnai khlem sangeh iwa yoh na ka GST da em bait T. 1.4 lak klur.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hawa pait won cha ka Meghalaya neibynta u Naiynñiaw 2022 da yoh ko T. 138 klur katwa ha u Naiynñiaw 2021 da yoh ko T. 121 klur iwa ku da 14%.

I rukom yoh GST ki jylla neibynta u Naiynñiaw 2022 wa u Naiynñiaw 2021 man ko kamni ha wah deiwa khlem kheiñ ya ka GST wa da yoh na ki mar wa wanrah na baar ri: