Ka sorkar India da dai ko ya u 5G Spectrum deiwa dai ya 72,098 MHz heiwa na ini da dep wow dai 51,236 MHz (71% na waroh) iwa da thied deiwa thong poisa hadooh T. 1,50,173 klur.
Ka M/s Adani Data Networks Ltd da yoh ko 400 MHz Spectrum ha ka mm wave band (26 GHz). Ka M/s Bharti Airtel Ltd da yoh ko 19,867.8 MHz ha ka 900, 1800, 2100, 3300 MHz wa 26 GHz bands. Ka M/s Reliance Jio Infocomm Ltd da yoh ko 24,740 MHz Spectrum ha 700, 800, 1800, 3300 MHz wa 26 GHz. Ka M/s Vodafone Idea Ltd da yoh ko 6,228 MHz Spectrum ha 1800, 2100, 2500, 3300 MHz wa 26 GHz.
Na ka poisa wa da thong yow thied kawa da poi T. 1,50,173 klur, da kynthup ko ya T. 212 klur na ka Adani Data Networks, T. 43,048 klur na ka Bharti Airtel Ltd, T. 88,078 klur na ka Reliance Jio Infocomm wa T. 18,799 klur na ka Vodafone Idea Ltd. Ka bai su ha ka chi snem da waroh kini toh T. 13,365 klur wei ka sut man ko 7.2% iwa chong leh hadooh katwon su chwa chisien su ya kani ka poisa kawa da thong wow thied ya kani ka 5G Spectrum.
Ha kani ka dai ya kani ka 5G Spectrum da tyrwa nyngkong ya u 600 MHz wei ym em wa thong poisa yow thied neidaw wa uni u 600 MHz Band ym pu em pynkhreh ya oo wow pynemkaam neibynta ki Mobile Phone wei ha kini ki snem ye u wow man uwa emkaam.
Ya u 700 MHz, 5G Ecosystem uwa da pynkhreh bha wei uwa ye u poi jngai bha da yoh da ka M/s Reliance Jio ha waroh kawi ka India da ka 10 MHz Spectrum.
Ya ki Band wa em hapyrdi 800 hadooh 2500, leh da tyrwa dai yow pynbha pynmiat ya ka 4G.
Ki Mid Band kiwa 3300 MHz Band toh kiwa da em chwa da waroh le tylli ki Operator wei daw pynbha ya ini yow pynmiat yei yoh 4G wei wow e 5G ha ka 3300 MHz Band.
Ya ki mm Wave Band kiwa 26 GHz kiwa krehkaam ha ki thaw wa jan donhi, ye u pynemkaam ha ki yung krehkaam ki bru samen. Ka Fixed Wireless Access (FWA) toh kawa da ka’it bha wow pynemkaam ha kani ka Band ha kylleiñ ka pyrthai. Ka FWA da ye wow pynemkaam heithaw ka Fiber ha ki thaw wa boon bru bha kam ha ki thaw wa cha sor. Waroh soo tylli ki Operator da chim ki ya kani ka Band.
Ka M/s Metal Scrap Trading Corporation (MSTC), ka Company ka sorkar India namo ka PSU toh kawa da pynlai yeini i dai ya u 5G Spectrum.
Da yooluti wa ya u 5G hapoh ka ri daw sdang u pynkrehkaam noh ha uni u Naikhynde lane u Naichiphaw.
I rukom thong poisa kiwa chimbynta man i kamni ha wah (dei klur):
| Operator | 700 MHz | 800 MHz | 900 MHz | 1800 MHz | 2100 MHz | 2500 MHz | 3300 MHz | 26 GHz | Total |
| M/s Adani data Networks Limited | 0 | 0 | 0 | 0 | 0 | 0 | 0 | 212 | 212 |
| Bharti Airtel limited | 0 | 0 | 349 | 2,763 | 2,680 | 0 | 31,700 | 5,592 | 43,084 |
| Reliance Jio Infocomm Limited | 39,270 | 1050 | 0 | 7,028 | 0 | 0 | 33,740 | 6,990 | 88,078 |
| Vodafone Idea Limited | 0 | 0 | 0 | 584 | 500 | 650 | 15,150 | 1,915 | 18,799 |
| Total | 39,270 | 1050 | 349 | 10,375 | 3,180 | 650 | 80,590 | 14,709 | 1,50,173 |
