U Deputy Commissioner ka East Jaiñtia Hills da pyntip u wa hadien wa ka KSU da khang yabor ko ya ka Toll Plaza wa em ha Lumshnong ini wa dep neidaw wa sih u sarok NH06 heiwa neiliang u Project Director ka National Highways Authority of India da kular u wow pynchna smat ya uni u sarok, wei da sdang biang u wai ya kani ka Toll Plaza, kamtæ deiwa pynkhreh yei ye u mih biang ki yakhih neidaw wa pynkrehkaam biang ya kani ka Toll Plaza.
Neiliang u DC da pynkrehkaam u da ka Section 144 CrPC yow khang ya kini ha wah:
Da khang wow yalang palat 5 ngut ha lane hajan ka Toll Plaza wa em ha Lumshnong kamjooh i pyrchang wow leh iwon iwon da kiwon kiwon iwa daw pynthut yei suk i saaiñ.
Da khang leh wow rah ya kiwon kiwon ki tiar pynmynsoo.
Kani ka hukum toh kawa krehkaam nadooh ka 5 tarik uni u bnai hadooh wa pynbna won da kamwi.
