Kiwa yoh COVID-19 ha Meghalaya da sdang ki wow hiar heiwa la ar sngi da em ki hapoh 50 ngut heiwa ynnin ka 7 tarik da em 42 ngut katwa ynne won da em 16 ngut kiwa dang yoh wa 36 ngut kiwa dang chait.
Kiwa dang yoh da duna ki hadien wa sdang ku syndet kiwa dang yoh ha ka 16-06-22 deiwa em 31 ngut heiwa hadien ini da em boon sien wa tam 100 ngut kiwa dang yoh.
Kiwa chait leh da boon ki ya kiwa dang yoh la 2 sngi ha kini ki 3 sngi iwa da pynhiar ya kiwa dang chah ktah wow em ki hapoh 700 ngut.
Kiwa dang yoh ynne ka 8 tarik toh ha East Khasi Hills (06), Ri-Bhoi (03), West Garo Hills (05) wa ha South West Garo Hills (02).
Kiwa dang chah ktah kiwa boon dooh toh ha West Garo Hills (432) wa ha East Khasi Hills (120) wei kiwa dang thiah Hospital waroh da em ki 52 ngut.
Waroh kiwa dang chah ktah da em ki 686 ngut, kiwa da yap 1611 ngut, kiwa da chait 93,628 ngut iwa mut wa waroh kiwa da dep chah ktah da em ki 95,925 ngut.
