U Deputy Commissioner, East Jaiñtia Hills District, u A. Baranwal ynne da wai u ya ka Grocery Shop Cum Rural Outlet yong ka Iengskhem Village Organization ha Khliehriat West Community Hall hajrong ka thong wow booh pura ya ki mar wa pynmih ki Self Help Group (SHG).
U Baranwal, hawa e yei klam da e khublei u ya u waheh chnong wa e thaw wow chna ya kani ka dukan Grocery Shop cum Rural Outlet. Deiwa ong leh wa ka Meghalaya State Rural Livelihood Society (MSRLS), East Jaiñtia Hills District wa da kreh ki wow booh ya kani ka dukan heiwa 15 tylli ki SHG ye ki wow booh ya ki mar yong ki wow dai won cha ki paidbah. Da ong u wa lada man yaw kani ka dukan daw booh ya kam kani ka jooh cha kiwi ki yaw ka District.
U Deputy Commissioner da ong u wa kam chibynta wow kyrchaan ya ki SHG hei wow pynlai yaw ya ki mar yong ki da yarap wow pynyoo ya kini ki mar ha ka District Website https://eastjaintiahills.gov.in chirup wa kiwi ki yutip kamjooh ki Phone Number yong ki SHG khnang wa ki paidbah u ye ki wow yaklam wa ki dkhot kini ki SHG deiwa kyntu leh ya ki paidbah wow thied ya ki mar wa pynmih da ki SHG.
U K. Slong, District Programme Manager, NRLM, da ong u wa ka Iengskhem Village Organization da chim ko ya ka luti wa thymme wow wai ya kani ka dukan Rural Outlet deiwa ngait skem leh wa ini daw yarap i ya ki dkhot ki SHG hei yoh i laa.
Ha kani ka sngi da emlang u Dr. T. Shylla, Block Development Officer, Wapung C&RD Block, u L. Bareh, waheh chnong ka Khliehriat West, u J. Dkhar u MLA warim wa ki dkhot ki SHG.
