Ka Independence Day Cup Under-17 Football Tournament-2022 ka West Jaiñtia District Sports Association (WJDSA), ynne ka sngi da poi ko cha ka sngi wa 17 deiwa pynman ar tylli ki yalehke kiwa man leh kam ki Pre-Quarter.
Ha ka yalehke wa nyngkong, ka Dulong da jop ko ya ka Evergreen Mukhla da 3-1.
Ya ki kool ka Dulong da thap da u Wankibha Pohthmi ha ka minit wa 12, u Iowan Challam ha ka minit wa 16 wa u Samewan Swer ha ka minit wa 29. Ya ka Evergreen Mukhla da thap da u Therly Dkhar ha ka minit wa 18.
Ha ka yalehke wa ar, ka Mookyrdup da jop ko ya ka Mookyndur da 1-0 lyngba ka kool wa thap u Thiama Nampuii ha ka minit wa 17.
