Ka sorkar jylla da rai ko wow pynbha wei wow pynchna ya waroh ki thaw krehkaam yong ki pulit, wei ya ini ka sorkar da rai ko wow pynlut neibynta ki Police Station, ki Outpost wa ki Camp, katkam i yoo biang ki bor pynlai District wei da mang T.50 lak neibynta kani ka kaam ha man ki District.
U Montri ka sorkar jylla uwa man leh uwa e ktien ka sorkar MDA, u James PK Sangma da khana u wa ka sorkar da rai ko leh wow pynkrehkaam ya ka e-Stamping katkam ka Meghalaya Stamp Rules, ya kawa hadooh katni ya ka e-Stamping da pynkrehkaam du ha East Khasi Hills wei da yoo leh yei mankaam ko, kamtæ ka sorkar da rai ko wow pynkrehkaam ya ini ha West Jaiñtia Hills, West Garo Hills wa Ri-Bhoi District.
Da khana u leh wa ka sorkar ha ka yalang ki Montri namo ka Cabinet Meeting da dep leh wow rai yei pyrtuid kiwa mihkhmat wow lai chimbynta ha ka lehkmen sngi laitlooid ha ki District wa ki Sub-Division.
