Ka OM Roy Memorial Secondary School, ka St. Anthony’s LP School wa ka Shillong College da yoh ki yei naam jop nam ki Champion ha ka 28th Inter School & 10th Inter College Karate Tournament 2022, kawa da pynkut ynnin ka sngi.
Kani ka lympung wa le sngi da pynman ha Laban SC Indoor Stadium da ka All Meghalaya Karate-do Association, heiwa kamwa 300 ngut ki Karatekas namo kiwa yaleh Karate na ki 45 tylli ki skur wa ki 6 tylli ki College da chimbynta ki.
Ya ki kynthai da jop da ka OM Roy Memorial Secondary School deiwa yoh 4 tylli ki takma ksiar, 3 tylli ki takma rupa wa 3 tylli ki takma tama katwa ka Kiddies Corner Secondary School da yoh wa ar ki deiwa yoh ar tylli ki takma ksiar wa 3 tylli ki takma tama.
Ha ki chynrang, ka St Anthony’s da yoh ko 4 tylli ki takma ksiar, ar tylli ki takma rupa wa 8 tylli ki takma tama yow yoh nyngkong wei da bood da ka Providence School kiwa yoh 4 tylli ki takma ksiar, 2 tylli ki takma rupa wa 4 tylli ki takma tama.
Ha ki yalehke yong ki College won, ka Shillong College da yoh nyngkong ko deiwa yoh 3 tylli ki takma ksiar, 3 tylli ki takma rupa wa 7 tylli ki takma tama katwa ka St. Edmund’s won da yoh wa ar ko deiwa yoh 3 tylli ki takma ksiar wa kawi ka takma rupa.
Ya kani ka lympung da wan wai da u Mawkhar SC President, u Ransom Sutnga deiwa emlang u Meghalaya State Olympic Association, General Secretary, u Finely L Pariat. Da wan wow pynhaap pyrda da u MSOA Working President, u John F Kharshiing deiwa emlang u dkhot ka MSOA Executive Council Member, u Dipshon Ryntathiang.
Da saam leh ya ka khusnaam Best Karatekas cha kiwa yalehke kiwa man kamni ha wah:
Boys Senior- Cheltis Shylla (Providence School)
Boys Junior- Eric B Ryngnga (St. Anthony’s LP School)
Girls Senior- Rebeka Nongspung (Providence School)
Girls Junior- Emika D Myrthong (BK Bajoria School)
