Ka Behdieñkhlam yong ka Raij Mukhla myntu u snem u man ko haka 23 tarik uni u bnai ha Biar (Aitnar), Mukhla Nongrim nadooh i por 1:00 waje i sngi.
Hadien ar snem wa em ka khlam COVID-19 wa ki paidbah ym yoh de ki u ya chimbynta kamwa jooh neidaw wa hap bood ya ki kyndon yong ka sorkar, tangwa ha uni u snem da yoh biang u ya mih paidbah kam ha ki por wa nachwa.
Kamtæ ka Seiñraij Mukhla da khut sñiawbha ko ya ki paidbah najan wa na jngai wow ya wan sakhilang ha kani ka sngi.
Myntu u snem ha kani ka Behdieñkhlam daw wan sakhi ya ka da u Montri Rangbah ka Meghalaya, u Conrad K. Sangma kam u kongsan chirup wa kiwi ki Montri sorkar.
Kam wow pynkynmoo wa kani ka Behdieñkhlam yong ka Raij Mukhla toh kawa leh khaddooh man-u-snem hadien wa kiwi ki Raij da pyndep ki.
Ka wyrta na u General Secretary ka Seiñraij Mukhla.
