Ka sorkar jylla Assam da rai ko wow pyndam ya ka Mobile Internet Service ha ki kattu katni ki District ka jylla khnang wow pyntikna wa lai bait ki Exam yaleh kreh sorkar.
Waroh da em 14,30,337 ngut kiwa yaleh kreh sorkar ki wow yakhun ya ki 30,000 tylli ki kreh Grade III wa Grade IV ha ki chnat waphær waphær heiwa daw pynman ya ki Exam ha ki 25 District ka Assam.
Waroh kiwa yaleh Exam kamjooh kiwa yang Exam ymchah ya ki wow rah Mobile ki kamjooh kiwi ki tiar wa ye u pynemkaam bakla chapoh ka thaw yaleh Exam heiwa daw booh da ki bru wow riñdur (Video) heipor wa thoh ya ki Exam.
Ya kini ki Exam daw pynman ha ka 21 wa 28 tarik uni u bnai wa 11 tarik u Naikhynde wei ha kini ki sngi daw pyndam ya ka Internet.
Da phah ya ki Deputy Commissioner wa ki sahep sorkar wow bood ki ya ki kyndon SOP wa da booh da ka sorkar.
U Montri Rangbah ka Assam, u Himanta Biswa Sarma da ong u wa ha kini ki sngi daw pyndooh ya ka Mobile Internet nadooh 10:00 waje i step hadooh 12:00 waje i sngi wei nadooh 2:00 waje i sngi hadooh 4:00 waje i janmiet ha ki District wa pynman ya ki Exam.
