Ka People’s Democratic Front (PDF) da pynthymme ko ya kiwa kitkaam neibynta ka samoi krehkkam 2022-25, wei ya kini kiwa yahkhmat thymme da jied ynne ka sngi ha ka yalang kawa da pynman ha yung dorbar yong ka chnong Mawkhar, Shillong.
Ha kani ka yalang kawa heh yong ka Party wa da chimbynta hadooh 28 tylli ki Zonal Committee, katwa ki ar ngut ki MLA kiwa da jop na ka PDF ha u snem 2018 ym em poi ki, kitæ u MLA ka Mylliem u Hamletson Dohling wa u MLA ka Umsning u Jason S Mawlong.
Hawa kylli hajrong i wiar ki ar ngut, u President wa da chah jied thymme uwa man leh u MLA ka Sohra, u Gavin M Mylliem da ong u wa ka Party da pyntip wei khut ko ya ki ar ngut ki MLA cha katai ka yalang, wei da kyntait u wow ong iyi iyi hajrong i wiar kini ki ar ngut ki MLA ka Party na katai ka yalang.
U Working President ka PDF, u Banteidor Lyngdoh da ong u wa ka Party dang em ko ki Zonal Committee ha kitai ki ar tylli ki Constituency wei dang khlan hi. Da ong wa hadooh katni ka Party ym pu yoh ko yei rai wa khaddooh, wei katwa ym pu klam che, ka aiñ khang yei kynthiar seiñ namo ka Tenth Schedule ym pu ktah ko.
Da ong u wa hajrong i wiar ha kani ka yalang neiliang ka Party daw chong pyrkhat ko.
Kiwa kitkaam thymme ka PDF man ki kamni ha wah:
President- Gavin Miguel Mylliem
Working President- Banteidor Lyngdoh wa u Emlang Lytan
Vice President- James Ban Basawiawmoit, Ivanlumlang Marbaniang wa u Joseph Makdoh
General Secretary- Auspicious L. Mawphlang
Asst. Secretary- Dengbok Kurkalang wa u Marpherstar Babai
Treasurer- Aiborlang L. Nonglait,
Organizing Secretary- Dikosstar Lymba wa u Shiborlang Lamare
Publicity Secretary- Eleazer Chyne
Internal Auditors- Traibor Nongkhlaw wa u Iohbor Riwan
Members- Malcolm Mylliem, Riverstone Majaw, Gillbert Laloo, Andra Rynjah, Donlang Sohkhlet
