Ka lehniam Behdieñkhlam ka Seiñ Raij Mukhla da sdang ynne ka sngi nadooh i por step ha yung Blai wei da bood won sa ka Dorbar Niam ha madan Ryngkaw ha Slot Masi, wei ya kani ka dorbar da pynlai ya ka da u Pa Langdoh Niam ka Seiñ Raij Mukhla deiwa ya emlang ki Waheh Sankur kiwa man ki Montri yong u Pa Langdoh.
Ha kani ka sngi da wan wow sakhi lang da u Wailadmiki Shylla, MLA uwa man leh u khon ka Seiñ Raij Mukhla.
Ha kani ka Dorbar Niam da yaklam ya ki kaam niam kiwa ki khon ki hajar ka Seiñ Raij Mukhla u pyndep ki mynstep heiwa daw mih dang step yow lai cha khloo yow lai pam ya ki dieñkhlam artylli wei ki paidbah daw wanrah ki ya uwi neibynta wow seh ha Madan Tihkhyndaw wei uwi won u seh ha madan Ryngkaw ha Slot Masi.
Kani ka lehniam Behdieñkhlam kawa da sdang ynne ka sngi Pynsiñ daw kut ha ka sngi Muchai katæ ha kani ka 23 tarik ha Biar ka Seiñ Raij Mukhla.
