Ka Behdieñkhlam yong ka Seiñ Raij Mukhla ynne dapoi ko cha ka sngi wa le kawa man leh ka sngi Musiang heiwa ki khon ki hajar ka Seiñ Raij Mukhla kynthai wa chynrang da ya mih paidbah wow lai chaad sngi nadooh na Mukhla Nongrim, Mukhla Shohshrieh, Ladmukhla, Mukhla Umlangshor wei da pynkut biang ha Mukhla Nongrim.
Da ya rahlang leh ya u Dieñkhlam yong ka chnong Mukhla Umlangshor yow pynieñ ya oo wei hadien wa wan chaad heipor 2:00 waje i sngi, ki paidbah hapoh i yahkhmat u Pa Langdoh da pynyieñ ki ya le tylli ki dieñkhlam uwi ha madan Tihkhyndaw wa artylli ha madan Ryngkaw ha Madan Slot Masi wei hadien wa da dep u pynyieñ ya kini ki dieñkhlam da chong biang ya ka Dorbar Niam wow ya pyrkhat neibynta ki kaam niam rukom kiwa daw hap pyndep mynstep ka sngi Muchai 23 tarik kawa man leh ka sngi pynkut yei lehniam Behdieñkhlam yong u snem 2022.
Ya kani ka Dorbar Niam da pynlai da u Pa Langdoh ka Seiñ Raij Mukhla, u Wanbha Lyngdoh.
