Hadien wa u Rocky Hek da mih noh u napoh ka BJP ha u Naisan uni u snem dei thmu wow psiah cha ka NPP hadien wym yoh Ticket u na ka BJP hawa da thrang u wow yakhun na North Shillong wot hadien wa da kreh chitom wow pynkhreh yeini.
Ini da pynman ya u Rocky wow kyruiñ cha ka NPP kawa da kular wow e Ticket ya oo na Pynthorumkhrah.
Ynne neiliang ka NPP da pdiang ko ya u Rocky Hek kam u dkhot ka Party wei da pynbna syndon kam u kyrtong ka 14-Pynthorumkhrah Constituency ha ka Election MLA 2023.
Ini mut wa daw yaleh pyrchah u Rocky ya u MLA wa katni, u AL Hek uwa man leh kam u ma u.
Ha kani ka yalang pdiang ya u Rocky da emlang leh u Montri Rangbah ka Meghalaya uwa man leh kam u National President ka NPP wa kiwi de ki heh ka NPP wa kynthup ya u Prestone Tynsong, u James Sangma wa kiwi de.
U Rocky toh uwa da dep yaleh MDC la arsien tangwa ym em jop u.
