U khynroo na Jowai uwa na ki por cha ki por da chimbynta ha kiwa boon ki yakob bha dur, ha kani ka kynti u Lalrinzuala Thieite da jop u ya ka naam Mr. Rising Star of Assam, Season-1 2022 wa pynman da ka BB Production ha Shilpgram, Guwahati ha ka 28-08-2022.
Da yoh u leh wow rah yei naam Subtitle Mr. Best Physique ha kani ka yakob.
Kam wow pynkynmoo wa u Lalrinzuala da dep man u leh kam u 1st Runner Up yong ka Iconic Face of Northeast 2022, kam u 1st Runner Up ha ka Mr. Northeast Superstar 2021, kam u 1st Runners up Mr. Face of Tomorrow 2021, kam u 2nd Runner Up ka Mr. Ladthadlaboh 2019, kam u Mr. Kiang Nangbah College Government College 2018 wei da jooh man u kam u General Secretary ka National Students Union of India, Meghalaya.
U Lalrinzuala da ong u wa dang kwah u wow yakhun cha ki yakob ka ri namo ki National Pageant tangwa ym pu toh i por neidaw wa dang em boon ki laad ki luti yow pynpliah chooh chooh ya idæ chwa u yakhun cha ki National Pageant wei yow ye chooh u e mynsiem ya kiwi kiwa kwah u ku.
