Katkam wa man hadien wa ka sorkar India da pynbna ko ya i rukom thung kreh chipai wa thymme ya kawa tip kam ka Agniveer Scheme da em da ki phaw lak na kylleiñ ka ri kiwa da pyndap pyrtuid (Register) wow yakhun yow psiah kreh hapoh ki chnat chipai ka ri.
Na ki jylla ka thaaiñ North East ka ri, ka Meghalaya, Manipur, Nagaland, Arunachal Pradesh wa 13 tylli ki District ka Upper & Central Assam da pyndep ya i thap pyrtuid ha ka 3 tarik u Naisaphra.
Ha waroh kini ki jylla wa ki District ka Assam da em hadooh palat 68,000 ngut kiwa da pyndap pyrtuid neibynta ki ynru tylli ki Rally ya kiwa daw sdang pynman nadooh uni u bnai.
Ka Registration neibynta ki jylla kam ka Mizoram, Tripura wa 20 District ka West, Lower & South Assam da sdang nadooh ka 5 tarik u Naisaphra wei da kut i hadooh ka 3 tarik uni u bnai.
Ka Registration neibynta ki kynthai namo ka Women Agniveer for Corps of Military Police ya waroh ki 7 jylla ka thaaiñ mihsngi da sdang ko nadooh 9 Naisaphra hadooh 7 Naikhynde.
Ya ki yutip wa bniah ye wow yoh na ka website www.joinindianarmy.nic.in.
