Ynnin ka sngi da leh burom ka seiñ Khynroo Khyllood Seiñraij Wahiajer yei dap san snem pura ka seiñ da ki lehkmen yong tynre ha ka yalang wa pynlai da u Pyntngenmiki Mulieh uwa man leh u President ka seiñ Khynroo Khyllood Seiñraij Wahiajer.
Ha kani ka sngi, u Ram Phawa, Waheh Chnong ka Ialong da man u kam u kongsan.
Da emlang wei da yoh leh yei klam na u Puramon Kynjing, Dolloi ka Elaka Jowai, na u Marki Mulieh, Ex-MDC, na u Leki Saioo, General Secretary ka Seiñ Kyntu Seiñraij 12 Daloi, na u Sniawlang Phawa, General Secretary niam Seiñraij Wahiajer, na u Chanki Nongrum, Adviser ka seiñ Khynroo Khyllood Seiñraij Wahiajer wa kamjooh na u Wailad Mulieh, Ex-Vice Secretary Ñiam Seiñraij Wahiajer.
Hadien ini da pynkup burom ya ki khon ka Seiñraij Wahiajer kiwa pyndep ya ka Class-X wa Class-XII wei da pynbood saka pynyoo riam tynre wa kiwi de ki pynyoo ya ka dustur riti na ki 10 tylli ki dhab.
Da pynkut da ki kyntien khublei na ka Mandakani Phawa.
