Jowai: Kam chibynta wow kynmoo ya ka National Disaster Reduction Day ha kani ka 29 tarik uni u bnai, ka ophis ka West Jaiñtia Hills District Disaster Management Authority, Jowai daw pynman ki ya ka yakop dro “Logo” namo ka chaap ka wow pynemkaam da ka ophis ka Meghalaya State Disaster Management Authority.
Kani ka yakop toh ka wa pynman ha ki district waphær waphær ya ki khynnah puræ Class-XI hadooh kyrdan Degree wei kiwa puræ ha waroh ki laiñ ye ki u chimbynta.
Daw jied leh le ngut ki wow lai chimbynta won ha ka kyrdan jylla ka wow pynman ha ka 29 tarik ha Shillong.
Ya kiwa kwah u chimbynta ha kani ka yakop dro chaap ka wow pynman ha ka 24 tarik uni u bnai haap ki u li e pyrtuid chwa ha ka kamra No. 144 ka wa em ha ka mala wa le ha ophis krehkaam u DC ka West Jaiñtia Hills nadooh ka 17 tarik hadooh ka 21 tarik uni u bnai deiwa rah lang wa ki ID Card.
Ye leh u phone ha u number 03652-220993 kamjooh ye phi u phah da ka email ha [email protected]
Discussion about this post