Ka 61st Subroto Cup 2022 neibynta ki Sub Junior Boys (U-14) kawa da sdang ynnin da kawi ka yalehke hapyrdi ka NCC waka Chandigarh, ynne ka sngi wa ar da pynman 15 tylli ki yalehke wa kynthup lang ya ka Meghalaya wa mihkhmat da ka RC Eve Secondary School Mihmyntdu.
Ka U-14 toh kawa da yabhah ha ki 8 tylli ki Pool heiwa ka Meghalaya da em ko ha ka Pool C deilang waka Maharashtra waka Gujarat.
Kamtæ ka Meghalaya ynne da yachem ko waka Maharashtra ha BR Ambedkar Stadium, Delhi heiwa ka Meghalaya da jop suk ko da 4-0.
Ya ka Meghalaya da pynjop da ka Hat-Trick na u Richanmi O Lyngdoh uwa da thap le tylli ki kool wa u Givenson Suting chi kool.
Ka Meghalaya daw yachem ko waka Gujarat mynstep heipor 3:00 waje i sngi ha ka jooh ka madan.
