Ki Quarter Final ka Sub Junior Boys (U-14) ka Subroto Cup 2022 u sdang ki mynstep ka 11 tarik heiwa da em 5 tylli ki jylla ka thaaiñ North East kiwa da psiah Quarter Final. Kitæ toh ka Assam, Manipur, Meghalaya, Mizoram waka Nagaland.
Daw sdang da ka yalehke mynstep heipor 7:00 waje i step ha Subroto Park Football Ground hapyrdi ka Nagaland waka Assam heiwa ya ka Assam da mihkhmat da ka Mingmang Nalbari High School katwa ya ka Nagaland da mihkhmat da ka Greenwood School, Dimapur.
Ka Manipur daw yachem ko waka Kerala heipor 9 waje i step ha Subroto Park Football Ground. Ya ka Manipur da mihkhmat da ka Heirok Higher Secondary Shool, Imphal.
Ka Mizoram daw yachem ko waka Chandigarh heipor 3:00 waje i sngi ha BR Ambedkar Stadium heiwa ya ka Mizoram da mihkhmat da ka Govt. Chawngfianga Middle School.
Ka Meghalaya daw yachem ko waka Jharkhand heipor 5:00 waje i janmiet ha BR Ambedkar Stadium heiwa ya ka Meghalaya da mihkhmat da ka Roman Catholic Evening Secondary School.
