Ka Federation of All School Teachers of Meghalaya (FASTOM) West Jaiñtia Hills Unit daw pynman ko ya ka General Meeting ha kani ka 17 tarik ha Yungwalieh ka Tpep Pale, Jowai heipor 10:00 waje i step.
I thmu wa kongsan yong kani ka yalang toh wow seiñ ya ka West Jaiñtia Unit.
Ha kani ka yalang daw pyrchang leh wow jied ya kiwa kitkaam neibynta ka samoi krehkaam 2022-2025. Chooh chooh i thmu yong ka Federation toh wow pynkhlan yei krehkaam nadooh na tre na thied khnang wa kiwa sikai u rap sñiawthooh ki ya ki phang krehkaam yong ka FASTOM.
Kamtæ ka Federation, da kyrpaad ko ya waroh kiwa sikai skur Adhoc kiwa kynthup nadooh LP, UP, Secondary wa Higher Secondary School kiwa haap ha West Jaiñtia Hills District wow sñiawbha wow wan khnang cha katai ka yalang.
