Ka lympung yalehbol kawa tip kam ka 2nd Money Knockout Football Tournament 2022 yong ka 7 Kur Sumer Elaka da wai pyrda ya ka ynnin ka 19 tarik ha madanbol ka chnong Samasi.
Da sdang da ka yalehke hapyrdi ka Lumshashram FC pyrchah ya ka PEM FC kawa da kut da 1-1 hadooh wa kut i por wei da pynman da ka yachut Tie-Breaker heiwa ka PEM FC da jop ko da 5-4.
Ha kani ka sngi wai da emlang u Bichas Latam na ka chnong Moopala kam u kongsan deiwa emlang u Heimonmi Latam wa u Ronivel Nongtdu.
Ha kani ka sngi da yoh yei klam maitphang na u President yong ka Sport Committee 7 Kur Elaka Sumer, u Bigin LS Paslein heiwa da pynche u yei krehkaam ka Sport Committee kamjooh yei thmu ka 7 Kur Elaka Sumer.
Da yoh leh yei klam na u Heimon Manar wa man kam u dkhot yong ka 7 Kur wa na u Khianwai Paslein wa man kam u Treasurer yong ka 7 Kur uwa da e yei sneiñ yei kroo ya kiwa yalehke wa ym hoi u sñiawphær sñiawsih ki la man kiwa jop næ kiwa rem.
