Ki yalehke ka Super Division ka Saipung Block Sports Association (SBSA) wa pynman ha chnong Lamyrsiang da pteiñ biang ynne ka sngi.
Ka yalehke wa da pynman toh hapyrdi ka Narwan SCC waka Latyrke SCSC kawa da kut ko da 1-1.
Ka Narwan da yoh ko wow thap kool nyngkong ha ka minit wa 14 heiwa ka Latyrke da su kylliang ko ha ka minit wa 49.
Da ini, ka Latyrke da pyntikna ko yei thaw ha ka Semi Final kawa daw pynman ha ka 27 tarik uni u bnai.
Ki yalehke mynstep toh hapyrdi ka Mulait United FC waka Tluh SC heipor 12:30 i sngi wei daw pynbood da ka Jalapher Bri Sumer waka Jarain SCSC.
